Nola diseinatzen ditut irakaskuntza-ikaskuntza prozesu berritzaileak IKTen laguntzarekin??

Argi dago, IKT-ak oso tresna baliagarriak bihurtu direla hezkuntza munduan. Gaur egun, gainera egile tresna (material didaktikoak digitalki lantzeko aukera ematen dute) ugari aurki ditzakegu sarean, guri beharrezkoa iruditzen zaigun irakasgai sakondu ahal izateko.

Bestalde, jakin behar dugu egile tresna hauek guk irakatsi beharreko irakasgaia ematen lagunduko digutela eta ez dugu sekula, material didaktiko hori irakasteko tresna bakar bat bezala erabili. Adibidez, gizakiaren muskuluak eta hezurrak ikastea da zientzietako gai baten helburua. Gu material hori irakasten saiatuko gara (klase magistralak emanez, arbel digitala erabiliz, marrazkiak eginez, internet erabiliz...) eta sakontze moduan, egile tresna baten bitartez ariketak egin ditzakegu.

Tresna hauei esker, era dinamiko eta dibertigarri batean hainbat material ikas dezakete gure ikasleak eta horrela gure orduak ez dira betiko klase magistraletan oinarrituko.

Hala ere, irakasleak berak argi izan behar ditu hiru alderdi: alde batetik, diziplina ezagutu behar du, hau da, irakasle batek matematikak eman behar baditu matematikatan “aditua” izan beharko da. Bestetik, ezagutza pedagogikoa izango du, hots, nola irakatsi jakitea beharrezkoa da. Eta azkenik, teknologiari buruzko ezagutza izan beharko du. Hiru alderdi horiekin oreka bat  sortu beharko luke irakasleak.

Ondorioz, irakaskuntza-ikaskuntza prozesu berritzaileak IKTen laguntzarekin diseinatzeko egile tresnak baliagarri direla esan daiteke, baina hau guztia diziplina ezagutza, ezagutza pedagogikoa eta ezagutza teknologikoa bitartez hornitu beharra dago.